Papa Françesku do ta qëndrojë më 7 maj për vizitë njëditore në Maqedoninë Veriore, ka njoftuar të enjten Qeveria në Shkup.
Bazuar në programin e vizitës, të cilën e bëri publik departamenti për media i Selisë së Shenjtë, Papa do të takohet, pas ceremonisë zyrtare të pritjes, me presidentin e vendit George Ivanov, kryeministrin Zoran Zaev dhe me përfaqësuesit e trupës diplomatike si dhe me ata të shoqërisë civile, ka raportuar “Al-Jazeera”.
Pas takimeve zyrtare është paraparë takimi i Atit të Shenjtë me liderët fetarë dhe mbajtja e një meshe, ndërsa më pas ai do të marrë pjesë në takimet me të rinjtë e përfaqësive ndërfetare.
Kjo do të jetë vizita e parë e një Pape në Shkup, vendlindjen e Nënës Terezë. Kreu i Kishës katolike do ta përmbyll vizitën në orët e pasdites, pas takimit me priftërinjtë e vendit, familjarët e tyre dhe besimtarët e tjerë, thuhet në njoftimin e Qeverisë së Maqedonisë së Veriut.
Vizita e tij në Shkup është pjesë e turnet të Papa Françeskut nëpër Ballkan, në kuadër të të cilës ai do të qëndrojë edhe në Rumani dhe Bullgari.
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent